芝士篇 - 西藏之旅 day 1

得到芝士的批准，他的西藏日記將會在這裏分享。

6月23香港-＞西安-＞西寧

5：50起身，遲左小小，因為大家只係訓左3個鐘.一齊飛的去深圳灣囗岸，再飛的去深圳機場

Check out完畢之後，食個大家樂，食到一半諗起d液體要寄倉，但又怕寄失，諗下諗下原又夠鐘，跑去檢查站，收收埋埋d液體，點知原來過機要羅把雨傘出黎，頂！ 又要羅唒d野出黎=..=" 跑呀跑呀，終於趕上，飛機起飛了！西藏之旅，正式出發:)

飛機上隔離個阿嬸係咁想同我講野，初初都唔想理佢，後尾都係同佢傾下計。仲有後面位個小朋友，雖然嘈住我訓交，但真係好可愛。

飛機上阿泰victor訓哂交，我同平時一様，又係訓唔著，聽住歌睇張小嫺表哥查錫我所寫的「快樂就是不抱怨」，估唔到我睇完代序及自序之後，已經睇到眼濕濕T_T，呢兩年所發生既事，真係令我好感觸，人生觀改變好多。

係西安停左半個鐘之後就轉飛西寧。西寧一落機就見到好靚既山脈，正呀！落機2點，乜都唔知就上左出巿中心既車，我同隔離位個叔叔傾計，佢介紹左西寧比我聽，西寧，海拔2400米，人囗540萬人，夏天最熱都係31度，但晩上氣溫下降得好快，只有7度，還括大風。

落車原本仲諗緊去邊，點知阿泰漏左腳架係車，花左一段時間，去番大巴總車站，終於揾番腳架，午餐當然係阿泰請啦，哈！

去西寧巿中心行左陣，完全無特別，仲要突然打風又落雨，我地為有早d去西寧西站，坐10點青藏鐵路火車起程去拉薩。

中途係Watson我地三個一買完果汁，比完錢係cashier立即一齊一次過飮唒，有個靚女好驚訝咁望住我地，笑到我噴 XD!!

RMB720的車飛包一張床，我們三個人加一位叔叔一間房，房間有空調，氣氣管，枱，幾乾淨，幾舒服。由於夜晚睇唔到夜景，所以我12點左右fu個mask，(平時無fu,佢地教就fu啦），完就訓。