Feeling & Expression

今天約了阿Ray在九龍灣吃晚飯。晚上七點左右，他打來提意吃euro gogo。想一想，我好像很久沒有吃euro gogo ，好想再食，加上又掛住d蜜糖雞翼，諗都唔駛諗我就話ok了。大家到了九龍灣後，發覺原來德福是沒有euro gogo的。我有少少失望咁話「euro gogo其實都幾好食，我好鐘意食個度d雞翼同意粉」。唔知佢係咪記住左我呢句，後來我地搵野食，佢話我想食意粉，提意食意粉屋。單從呢一件事，我覺得阿ray應該是個細心的人。

香港真是一個好地方，約朋友出來食個飯傾下計話都無咁易。想食乜有乜，野食又唔係話特別貴，有時覺得好多人真係身在福中不知福(包括我自己)。坐低後，我地點左個set dinner，滙豐咭50% off。食物就都係個d啦。湯、沙津、兩個主菜、餐飲。主菜我地點了濶麵和pizza，可惜pizza唔記得影相。味道不過不失，其實都食得幾飽。如果個忌廉湯可以改為龍蝦湯那就完美了。每人百五蚊，高通脹年代來算是不貴了。

飯後，阿ray話我好少講一d 同自己feeling有關既說話。起初我不太明白，後來我說其實今日同阿Ray食飯好開心。接著佢同我講，這是我今日唯一一句說出自己感受既說話。哈哈，其實我又真係好少咁樣將自己既感受說出來，或者男人都係比較「盡在不言中」吧。不過如果自己開心，講出黎朋友聽到又開心，那何樂而不為呢?